معرفة نت

(( معرفه نت ))



ياللي على الفرقاء تمرست وادمنت
غلــطان من يقرب غرام قربــــــــته
*
ثوب المشاعر بالتطاريز زينت
حده سهر ليله وعقب فصخته
*
عندك بدال الثوب غيره وكونت
خزانه تجمع لباس لبستــــه
*
لعبت واجد واستمريت واتقنت
لعب الغلاء مع الولايف لاعبته
*
هذاك تلعب به وهذاك جننت
وهذاك وسط النار بيدك حذفته
*
وهذاك بالماضي وهذاك دونت
اسمه مع الايام وجرحه كتبته
*
ورميتني بالورد والدرب لينت
وعطيتني جمله غرام ملكته
*
وانا وطيت الداب واليوم جيت انت
والقلب عقب السم عنك صرفته
*
يا بنت مالي فيك وفي معرفه نت
مالي بغرام عبر سلك وصلته
*
ان كان حبك من ورا الشات بينت
ورسمت لي رسم من الكذب جبته
*
بعطيك مثل اللي عرفناه انا وانت
اللعب ماله غير قلب عسفته
*
*
*