الجمهره
أثر المصايب ماتجيك الا من الناس القراب وبهالزمن حتى الخوي اللي تثق فيه احذره
لابارك الله في رفيق تزعله كلمة عتاب ولا جمع الله رجال اللي تفرقهم مره عودت نفسي كل ماشددت لليمه ركاب ماصد وجهي عن طريق الا اذا جبت خبره
الصاحب اللي مايجي من صحبته غير العذاب نذر علي ان ماهجرني ولا انا اللي بهجره
من يفتح لفرقاي باب افكله عشرين باب واذا خويي مايقدر خوتي ما اقدره ان روحو فانا بري منهم ليوم الحساب وان جرحو قولولهم ماحركو في شعره
شفهم لهم حول السنه ولا خذو مني جواب احسن دوا للي يحاول يستفزك تحقره
انا جمعت اوراقهم بكتاب واغلقت الكتاب
ياوقت لم اللي تلمه وانثر اللي تنثره
ماكنت احاكيهم صغير عاد احاكيهم شباب
اما ذخرني صاحبي لليوم الاسود ما اذخره
عقب اكتئاب البارحه ماعاد انا حمل اكتئاب الطيب جرجرني وانا ماني بناقص جرجره
اللي يخاف من الظما يتركلنا طرد السراب , واللي ماهو قد الظلام ووحشته لايسهره
انا تجرعت الظما لين احترق وجهي وذاب , انا كسرت بخاطري قبل الصداقه تكسره, انا خسرت اللي غيابه غير عن كل الغياب, انا غفرت لعالم ماتستحق المغفره, انا اكثر انسان تعلم من كثر ما اخطا وصاب , انا اخر انسان يتكلم في زمان الثرثره , انا القصيد اللي نزع من دفتره مليون نار , وانا الوحيد اللي جمع مليون نار بدفتره
جفني وجرحها السهر ’ هيلي وهدتها الصعاب ’ دمعي هدر ’ ضحكي ندر ’ عمري وضيعت اكثره ’
شيبت بعقول العرب هيلت روس ماتهاب جمهرت ناس عمرهم مايعرفون الجمهره
ماصرت ذيب الا لان اللي حواليني ذياب
ماكنت اغيب الا لان العفو عند المقدره
ترا حلاتك اذا حملت لصاحبك كلمت عتاب اما نطقت بها بوجهه ماتذمه بظهره
في هالزمن مايملي عيون الحسود الا التراب
ولا الحظيظ الطلقه اللي ماتصيبه تذعره
ودك الى من جاتك الغلطه من الناس القراب الصاحب اللي ماكسبت محبته ماتخسره
-----------------------------------------------------------------------------
وسلامتكم
تحياتي ::أسير الحب::
الجمعة يوليو 03, 2009 9:11 pm
